TEMA: Propaganda
Norsk propaganda frå London-regjeringa
Propagandaen for Norge og Norges sak gjekk gjennom Statens informasjonskontor i London. I alliert språkbruk vart propaganda retta mot eigne kalla "informasjon", mens propaganda mot fienden fekk nemninga "enemy propaganda" (i motsetnad til tyskarane, som åpent brukte omgrepet "propaganda").
Størst verknad for publikum heime i Norge vart sendingane gjennom London Radio. Det var svært populært å høyre på desse sendingane, trass i at dei fleste radioapparata var konfiskerte tidleg under okkupasjonen. Tyskarane gjorde ofte razziar for å stoppe dette, men folk fann alltid på løysingar som gjorde det mogleg å halde fram med lyttinga.
|
|
